Tableau morgunverðarfundur

Tæplega hundrað gestir sóttu morgunverðarfund um Tableau hugbúnaðinn í boði Expectus þann 27.apríl síðastliðinn á Hilton Nordica.


Expectus bauð til spennandi morgunverðarfundar um Tableau hugbúnaðinn sem ríflega hundrað gestir sóttu og viljum við þakka þeim kærlega fyrir komuna. Ljóst er að áhuginn á Tableau er mikill og að bæði stjórnendur og starfsfólk sjá virði í notkun þess.


Reynir Ingi Árnason, ráðgjafi og partner hjá Expectus, bauð gesti velkomna og kynnti farsælt samstarf Expectus og Tablaeu síðastliðin ár og hvernig eftispurn eftir þekkingu á tólinu er sífellt að aukast. 


Því næst miðluðu Haukur Gunnarsson frá Landsbankanum og Pálmi Símonarson hjá Orkuveitunni, reynslu sinni á innleiðingu Tableau innan fyrirtækjanna.

Bæði Landsbankanum og Orkuveitunni hefur tekist að umbreyta gögnum í verðmæti með notkun hugbúnaðarins og var áhugavert að fá innsýn í þá gagnadrifnu vegferð sem þau hafa verið á síðustu misserin.


Ina Conrado, Solutions Engineer hjá Tableau, kynnti að lokum Tableau lausnina og fór yfir þá fjölmörgu kosti þess að nota hugbúnaðinn fyrir fyrirtæki og hvaða árangri er hægt að ná með verkfærum þeirra.


Við þökkum þeim Hauki frá Landsbankanum, Pálma frá Orkuveitunni og Inu Conrado frá Tableau kærlega fyrir komuna ásamt öllum þeim sem sáu sér fært að mæta og taka þátt í deginum með okkur.

Hafðu samband

Fylltu út formið hér að neðan og við munum hafa samband eins fljótt og hægt er.

Contact Us

Þrjú ný til liðs við Expectus

By Sigrún Anna • October 21, 2025
Expectus hefur ráðið til sín þau Jón Bergmann, Sturlu Sæ Erlendsson og Sigrúnu Önnu Guðnadóttur. Jón Bergmann er ráðinn sem ráðgjafi í viðskiptagreind. Hann er með doktorspróf í kennilegri eðlisfræði frá Tækniháskólanum í Danmörku og meistaragráðu í efnafræði frá Háskóla Íslands. Jón hefur víðtæka reynslu sem gagnanörd, forritari og vísindamaður og hefur meðal annars starfað sem sérfræðingur hjá Controlant, Símanum og Veðurstofu Íslands. Þar leiddi hann meðal annars þróun á hugbúnaði fyrir greiningu og sjálfvirkni, auk þess að vinna með stórgagnalausnir og gervigreind. Sturla Sær Erlendsson er ráðinn sem ráðgjafi hjá Expectus. Hann er með B.Sc. gráðu í rekstrarverkfræði frá Háskólanum í Reykjavík og stundar nú meistaranám í framleiðsluverkfræði og stjórnun við KTH í Stokkhólmi. Sturla starfaði síðast hjá Icelandair sem sérfræðingur í Amadeus Queues og ferðaráðgjafi. Hann hefur einnig komið að rannsóknum á sviðsmyndagreiningu hjá Frumkvöðlasetri Íslands og á að baki frumkvöðlareynslu sem stofnandi og fatahönnuður fyrirtækisins/hönnunarfyrirtækisins Reykjavík Roses. Sigrún Anna Guðnadóttir er ráðin sem skrifstofustjóri Expectus. Hún er með meistaragráðu í markaðsfræði frá Háskólanum í Reykjavík og B.Sc. gráðu í viðskiptafræði frá sama skóla. Sigrún kemur til Expectus með áralanga reynslu úr bókhaldi, launavinnslu og rekstrarráðgjöf auk sérhæfingar í stafrænni markaðssetningu. Hún starfaði síðast hjá Datera sem sérfræðingur í stafrænni markaðssetningu og þar áður leiddi hún launadeild hjá Fastlandi. „Það er orðin krafa í nútímafyrirtækjarekstri að stjórnendur og starfsmenn geti tekið gagnadrifnar ákvarðanir byggðar á traustum rauntímaupplýsingum. Við hjá Expectus höfum síðastliðin 16 ár aðstoðað fyrirtæki og stofnanir landsins við val og innleiðingar á gagnalausnum sem styðja við þá vegferð og gerir þeim kleift að ná árangri hraðar en áður. Jón, Sturla og Sigrún eru frábær viðbót í öflugan hóp sérfræðinga hjá Expectus sem gerir okkur kleift að þjónusta okkar viðskiptavini af sama krafti og við höfum gert frá upphafi,“ segir Reynir Ingi Árnason, framkvæmdastjóri Expectus.

Cubus sameinast Expectus

December 12, 2024
Stefán Rafn Stefánsson, framkvæmdastjóri Cubus, Reynir Ingi Árnason, framkvæmdastjóri Expectus, Ragnar Þórir Guðgeirsson, stjórnarformaður Expectus og Andri Páll Heiðberg, stjórnarformaður og ráðgjafi hjá Cubus.