Um okkur
Expectus er ráðgjafa- og hugbúnaðarfyrirtæki sem var stofnað árið 2009. Hlutverk okkar er að aðstoða fyrirtæki við að greina og bregðast við breytingum í sínu umhverfi, marka stefnu og koma henni í framkvæmd með því að nýta kjarnahæfni sína og upplýsingatækni til að ná mælanlegum árangri í rekstri. Teymið samanstendur teymið af yfir 25 sérfræðingum á sviði upplýsingatækni og ráðgjafar til fyrirtækja og stofnana
Gildin okkar
Kraftur
Við sýnum frumkvæði og leggjum kraft í allt sem við gerum. Við leysum vandamál hratt og vel, stöndumst tímaáætlanir og tökum jafnframt ábyrgð á eigin frammistöðu. Við vinnum saman, styðjum og valdeflum hvert annað og nýtum sameinaða styrkleika okkar til þess að afhenda heimsklassa vörur, ráðgjöf og þjónustu til okkar viðskiptavina.
Heiðarleiki
Við erum heiðarleg og fylgjum sannfæringu okkar og seljum lausnir sem skila árangri. Við gerum okkur grein fyrir því að við erum öll mannleg og við viðurkennum mistök, vöxum undir áskorunum og fögnum breytingum. Innri rekstur fyrirtækisins er opinn og gagnsær.
Samvinna
Samvinna einkennir allt okkar starf, bæði innan fyrirtækisins og gagnvart viðskiptavinum. Við erum meðvituð um vægi þess að virkja ágreining með gagnkvæmri virðingu og trausti, gefum okkur tíma til að hlusta, miðlum af eigin reynslu, hjálpum hvert öðru og berum sameiginlega ábyrgð. Gætum þess ávallt að viðhalda gleðinni.
Starfsfólk
Hjá Expectus starfar öflugur hópur sérfræðinga með langa og fjölbreytta reynslu úr atvinnulífinu. Við höfum tileinkað okkur framsæknar aðferðir til að ná árangri í samvinnu við okkar viðskiptavini.
Erum við að leita að þér?
Við erum reglulega að leita að metnaðarfullum og drífandi einstaklingum til að bætast í okkar öfluga hóp