Steinn, Þórdís og Jón Brynjar ráðgjafar hjá Expectus

Ráðgjafa- og hugbúnaðarfyrirtækið Expectus hefur ráðið til sín þrjá sérfræðinga, þau Jón Brynjar Björnsson, Stein Arnar Kjartansson og Þórdísi Björk Arnardóttur.


Jón Brynjar er með B.Sc. i rekstrarverkfræði frá Háskólanum í Reykjavík og MBA frá EDHEC Business School í Nice. Jón starfaði síðast hjá Landsbankanum sem sérfræðingur í viðskiptagreind þar sem helstu verkefni voru uppbygging á vöruhúsi gagna ásamt myndrænni skýrslugerð. Þar áður starfaði hann hjá Íslandsbanka sem sérfræðingur í eignafjármögnun. Hjá Expectus mun Jón Brynjar leggja megináherslu á gerð áætlanalíkana og innleiðingu viðskiptagreindar með Kepion, TimeXtender, PowerBI og fleiri lausnum.


Steinn Arnar er með B.Sc. gráðu í iðnaðarverkfræði frá Háskóla Íslands og M.Sc. í iðnaðarverkfræði og stjórnun frá Danmarks Tekniske Universitet (DTU) með áherslu á fjármálagreiningu, bestun og gagnavísindi. Steinn starfaði síðast við viðskiptagreind hjá Dansk Industri og fyrir það starfaði hann meðfram námi hjá Eflu, meðal annars við greiningu og gerð gagnvirkra mælaborða í PowerBI. Hjá Expectus mun Steinn Arnar leggja megináherslu á innleiðingu viðskiptagreindar í Azure og tekjueftirlit hjá viðskiptavinum með TimeXtender, exMon, Tableau og fleiri lausnum.


Þórdís Björk er með B.Sc. gráðu í rekstrarverkfræði frá Háskólanum í Reykjavík. Hún starfaði áður hjá Icelandair en er nýlega flutt heim til Íslands eftir að hafa starfað sem GIS sérfræðingur hjá DRMP í Bandaríkjunum. Þórdís mun hjá Expectus leggja áherslu á innleiðingu viðskiptagreindar í Azure og tekjueftirlits með TimeXtender, PowerBI og exMon hjá fyrirtækjum og stofnunum.

Hafðu samband

Fylltu út formið hér að neðan og við munum hafa samband eins fljótt og hægt er.

Contact Us

Cubus sameinast Expectus

December 12, 2024
Stefán Rafn Stefánsson, framkvæmdastjóri Cubus, Reynir Ingi Árnason, framkvæmdastjóri Expectus, Ragnar Þórir Guðgeirsson, stjórnarformaður Expectus og Andri Páll Heiðberg, stjórnarformaður og ráðgjafi hjá Cubus.

Tveir nýir ráðgjafar hjá Expectus

September 11, 2024
Ráðgjafarfyrirtækið Expectus hefur ráðið til sín tvo nýja sérfræðinga sem munu starfa að viðskiptagreindarráðgjöf. Jason Andri Gíslason er stærðfræðingur með meistaragráðu í viðskiptagreiningu frá Imperial College í London. Jason hefur reynslu af rannsóknarstörfum fyrir Háskóla Íslands auk þess að hafa starfað við viðskiptagreiningu hjá Landsvirkjun. „Ég er virkilega ánægður með að ganga til liðs við Expectus,“ segir Jason. „Expectus hefur byggt upp trausta stöðu á markaðnum með framúrskarandi þjónustu og lausnum á sviði viðskiptagreindar. Það verður spennandi að taka þátt í næstu skrefum vaxtar og framþróunar ásamt hæfileikaríku samstarfsfólki og ég hlakka til að mæta krefjandi verkefnum sem munu stuðla að enn frekari velgengni fyrirtækisins.“ Gréta Toredóttir er rekstrarverkfræðingur með meistaragráðu frá King's College í London. Starfsreynsla Grétu felst í ferlagreiningu og spálíkanagerð sem hún sinnti hjá Coripharma og KPMG en hún á einnig að baki áralangan feril sem fimleikaþjálfari. Gréta er gríðarlega spennt fyrir starfinu hjá Expectus. „Þetta fer mjög vel af stað og ég hlakka mikið til þess að takast á við krefjandi verkefni og skila viðskiptavinum okkar því gríðarlega virði sem felst í að fá skýra sýn á reksturinn sinn.“ „Það er orðin krafa í nútímafyrirtækjarekstri að stjórnendur og starfsmenn geti tekið gagnadrifnar ákvarðanir byggðar á traustum rauntímaupplýsingum. Gríðarleg þróun hefur verið í gagnalausnum undanfarin ár sem gerir fyrirtækjum kleift að ná árangri hraðar en áður. Við hjá Expectus höfum aðstoðað fyrirtæki við val og innleiðingu þessara lausna og eru þau Jason og Gréta frábær viðbót í öflugan ráðgjafahóp Expectus,” segir Reynir Ingi Árnason, framkvæmdastjóri Expectus. Expectus er ráðgjafar- og hugbúnaðarfyrirtæki sem sérhæfir sig í upplýsingatækni, rekstrarráðgjöf, stefnumótun og viðskiptagreind. Fyrirtækið var stofnað árið 2009. Nánari upplýsingar veitir Reynir Ingi Árnason, framkvæmdastjóri Expectus, í síma 867 4999 .