Giovanna, Hafdís og Ottó ráðgjafar hjá Expectus

Ráðgjafa- og hugbúnaðarfyrirtækið Expectus hefur ráðið til sín þrjá sérfræðinga, þau Giovönnu, Hafdísi og Ottó.


Giovanna Steinvör er með B.A. gráðu í hag- og tölvufræði frá Københavns Erhvervsakademi og er að klára M.Sc. gráðu í hagnýtum gagnavísindum í Háskólanum í Reykjavík. Áður starfaði Giovanna sem sérfræðingur í greiningum á sölusviði Icelandair þar sem hún vann í mörgum þverfaglegum teymum í greiningum, stefnumótun og miðlun gagna. Hjá Expectus mun Giovanna leggja megináherslu innleiðingu viðskiptagreindar með exMon, TimeXtender, PowerBI og fleiri lausnum.


Hafdís Mist er með B.Sc gráðu í Iðnaðarverkfræði frá HÍ og M.Sc gráðu í Iðnaðarverkfræði og stjórnun frá Tækniháskólanum í Kaupmannahöfn (DTU) með áherslu á gagnagreiningu og bestun. Áður starfaði Hafdís hjá VÍS í fjármáladeild sem sérfræðingur í innheimtu. Hjá Expectus mun Hafdís leggja megináherslu á innleiðingu viðskiptagreindar með Kepion, TimeXtender, exMon, Tableau og fleiri lausnum.


Ottó Rafn starfaði áður hjá Skeljungi þar sem hann sá um rekstur á tölvuumhverfi þeirra. Hjá Skeljungi vann hann að mjög fjölbreyttum verkefnum á borð við flutning umhverfis þeirra í hýsingu, útskiptingu fjárhagskerfis og skráningu félagsins á markað. Hjá Expectus mun Ottó leggja megináherslu á innleiðingu viðskiptagreindarumhverfis hjá fyrirtækjum með áherslu á Azure lausnir og nýta sérþekkingu sýna í kerfismálum.


„Það er orðin krafa í nútímafyrirtækjarekstri að stjórnendur og starfsmenn geti tekið gagnadrifnar ákvarðanir byggðar á traustum rauntímaupplýsingum. Gríðarleg þróun hefur verið í gagnalausnum undanfarin ár sem gerir fyrirtækjum kleift að ná árangri hraðar en áður. Við hjá Expectus höfum aðstoðað fyrirtæki við val og innleiðingu þessara lausna og eru þau Giovanna, Hafdís og Ottó frábær viðbót í öflugan ráðgjafahóp Expectus” segir Gunnar Steinn Magnússon, framkvæmdastjóri Expectus, í tilkynningu frá félaginu.

Hafðu samband

Fylltu út formið hér að neðan og við munum hafa samband eins fljótt og hægt er.

Contact Us

Þrjú ný til liðs við Expectus

By Sigrún Anna • October 21, 2025
Expectus hefur ráðið til sín þau Jón Bergmann, Sturlu Sæ Erlendsson og Sigrúnu Önnu Guðnadóttur. Jón Bergmann er ráðinn sem ráðgjafi í viðskiptagreind. Hann er með doktorspróf í kennilegri eðlisfræði frá Tækniháskólanum í Danmörku og meistaragráðu í efnafræði frá Háskóla Íslands. Jón hefur víðtæka reynslu sem gagnanörd, forritari og vísindamaður og hefur meðal annars starfað sem sérfræðingur hjá Controlant, Símanum og Veðurstofu Íslands. Þar leiddi hann meðal annars þróun á hugbúnaði fyrir greiningu og sjálfvirkni, auk þess að vinna með stórgagnalausnir og gervigreind. Sturla Sær Erlendsson er ráðinn sem ráðgjafi hjá Expectus. Hann er með B.Sc. gráðu í rekstrarverkfræði frá Háskólanum í Reykjavík og stundar nú meistaranám í framleiðsluverkfræði og stjórnun við KTH í Stokkhólmi. Sturla starfaði síðast hjá Icelandair sem sérfræðingur í Amadeus Queues og ferðaráðgjafi. Hann hefur einnig komið að rannsóknum á sviðsmyndagreiningu hjá Frumkvöðlasetri Íslands og á að baki frumkvöðlareynslu sem stofnandi og fatahönnuður fyrirtækisins/hönnunarfyrirtækisins Reykjavík Roses. Sigrún Anna Guðnadóttir er ráðin sem skrifstofustjóri Expectus. Hún er með meistaragráðu í markaðsfræði frá Háskólanum í Reykjavík og B.Sc. gráðu í viðskiptafræði frá sama skóla. Sigrún kemur til Expectus með áralanga reynslu úr bókhaldi, launavinnslu og rekstrarráðgjöf auk sérhæfingar í stafrænni markaðssetningu. Hún starfaði síðast hjá Datera sem sérfræðingur í stafrænni markaðssetningu og þar áður leiddi hún launadeild hjá Fastlandi. „Það er orðin krafa í nútímafyrirtækjarekstri að stjórnendur og starfsmenn geti tekið gagnadrifnar ákvarðanir byggðar á traustum rauntímaupplýsingum. Við hjá Expectus höfum síðastliðin 16 ár aðstoðað fyrirtæki og stofnanir landsins við val og innleiðingar á gagnalausnum sem styðja við þá vegferð og gerir þeim kleift að ná árangri hraðar en áður. Jón, Sturla og Sigrún eru frábær viðbót í öflugan hóp sérfræðinga hjá Expectus sem gerir okkur kleift að þjónusta okkar viðskiptavini af sama krafti og við höfum gert frá upphafi,“ segir Reynir Ingi Árnason, framkvæmdastjóri Expectus.

Cubus sameinast Expectus

December 12, 2024
Stefán Rafn Stefánsson, framkvæmdastjóri Cubus, Reynir Ingi Árnason, framkvæmdastjóri Expectus, Ragnar Þórir Guðgeirsson, stjórnarformaður Expectus og Andri Páll Heiðberg, stjórnarformaður og ráðgjafi hjá Cubus.