BREYTINGASTJÓRNUN
Hvað er breytingastjórnun?
Breytingastjórnun er vel útfært og þróað ferli sem nýtir þekkingu fyrirtækisins til að greina úrbótatækifæri í rekstri, þróa lausnir á því sem þarfnast úrbóta og tryggja innleiðingu breytinga með kerfisbundnu verkferli og þátttöku lykilfólks. Utanaðkomandi ráðgjöf getur oft skipt sköpum við að ná árangri því innan hópsins takast gjarnan á ólíkir hagsmunir þeirra sem þurfa að aðlagast breytingum. Því er mikilvægt að greina erfiðleika og vinna skipulega með hindranir sem kunna að verða til í innleiðingunni. Breytingaferlið svarar spurningum á við:
- Hvað þarfnast úrbóta?
- Hvaða úrbótaverkefni leysum við í einu lagi?
- Hvaða árangri eiga breytingarnar að skila?
- Hvaða auðlindir og efnivið þurfum til að ná hámarksárangri?
- Hvaða áfanga er skynsamlegt að taka í að koma breytingum á?
Af hverju breytingastjórnun?
Stjórnun breytinga, er eins og stjórnun almennt, til þess fallin að ná meiri árangri í starfi. Lykilþáttur í því er að skilgreina hvaða árangri á að ná með breytingunum. Ákvörðun um að gera breytingar felur ekki í sér bættan árangur. Til að koma ákvörðun í framkvæmd þarf að stýra fólki og öðum þáttum í starfsemina í breyttan farveg. Samkvæmt okkar aðferðafærði þarf að tryggja samvirkan hóp, sem við köllum framkvæmdahóp, ef gera á umfangsmiklar eða flóknar breytingar. Þeir eiginleikar sem hópurinn þarf að búa yfir eru:
- Forræði (e. authority) ákvörðunarvald einhver sem getur sagt já eða nei
- Afl (e. power) krafta sem munu þurfa að vinna sjálfa breytingavinnuna
- Áhrif (e. influence) þekking sem er líkleg til að finna bestu mögulegu lausn á viðfangsefninu
Hvenær hentar breytingastjórnun?
Hún hentar m.a. þegar:
- Breytingar verða í ytra umhverfi fyrirtækja eða stofnana sem þarf að bregðast við
- Við röskun á innra starfi, s.s. við samruna, kaup eða sölu á hluta starfseminnar
- Þegar stjórnendur verð þess áskynja að árangur er undir væntingum.
- Ágreiningur kemur upp innan skipulagsheildar vegna samskipta eða við mat á valkostum í starfseminni.
Við skilum:
- Greiningu á tækifærum til úrbóta
- Flokkun úrbótatækifæra í skammtíma-, langtíma- og stefnumarkandi verkefni
- Verkefnablaði með skilgreiningu á verkefnum sem kalla á skipun framkvæmdahóps
- Þjálfun hópmeðlima í að vinna í framkvæmdahópi og stilling væntinga
- Sértækum greiningum á stöðu í þeim málaflokki sem gera á breytingar á
- Markmiðum um bætta árangur með breytingum
- Valkostum við að koma breytingum á og val á bestu leið
- Leiðsögn (lóðsun)
Viðskiptavinir sem hafa nýtt sér breytingastjórnun með Expectus:
Við höfum unnið að slíkum verkefnum með ráðuneytum, stofnunum, sveitarfélögum, félagasamtökum og öllum tegundum fyrirtækja, stórum og smáum, innlendum og erlendum.
Umfang verkefnis:
Umfangið fer eftir stærð og gerð fyrirtækja eða stofnana. Við höfum aðlagað viðurkenndar aðferðir að íslenskum aðstæðum með það fyrir augum að einfalda ferlið og gera það hraðvirkt og ódýrt. Algengt breytingaverkefni tekur 100-150 klst., þar af tekur leit að úrbótatækifærum um 50 klst. Vinna framkvæmdahópa getur tekið misjafnlega langan tíma, algengt er að þeir séu skipaðir til að koma breytingum á inna þriggja til sex mánaða. Þó eru dæmi um flóknari verkefni sem geta tekið allt að heilu ári.
