444 9800
Vegmúla 2, 108 Reykjavík

Blogg

Ertu með tvískipt gleraugu?

Leading the way

Straumlínustjórnun – leading the way

Það er ekkert sérlega freistandi að fá í fangið verkefni sem þú veist að mun aldrei klárast. Kannski er það ein af ástæðum fyrir því að marga óar við því að taka upp stjórnunaraðferðir straumlínustjórnunar. Við finnum mörg hver fyrir knýjandi þörf til að skila af okkur góðu verki, segja því lokið. Setjum jafnvel undir okkur hausinn og gerum það sem gera þarf til að geta sagst vera búin.

Straumlínustjórnun eða Lean Management hefur stundum verið skilgreind sem endalaus vegferð. Straumlínustjórnun er meira en ákveðin tækni, stjórnunaraðferð eða hugbúnaðarpakki. Umfram allt er straumlínustjórnun strategísk nálgun og skuldbinding þess efnis að í öllum rekstri sé sóun lágmörkuð en virði til viðskiptavinar sé aukið á sama tíma.
Straumlínustjórnun nýtir ýmiskonar aðferðir sem stjórntæki og má líkja þeim við að setja upp tvískipt gleraugu. Með þeim er sýnin skerpt annars vegar á virði fyrir viðskiptavininn og hins vegar virði aðgerða m.t.t. sóunar. Hugmyndafræðin er ekki byggð á skammtímamarkmiðum sem hægt er að innleiða sem átaksverkefni heldur er miklu frekar um langferð að ræða. Með því að nýta sér aðferðir á borð við daglega fundi, reglulegar umræður um frávik, þarfir viðskiptavina og leiðir að markmiðum verða fyrirtæki betur í stakk búin til að takast á við ýmiskonar breytingar, setja sér skammtímamarkmið og ná þeim. Helstu ástæður þessa eru að starfsmenn hafa sameiginlega sýn, skilningur þeirra á núverandi stöðu er sá sami og markmiðin eru sameiginleg, þannig að saman finna þeir bestu leiðina til að ná árangri.

Hin eilífa áskorun er að gera betur í dag en gær, að bæta sig skref fyrir skref. Við hvern áfanga má sjá nýja möguleika til að gera enn betur og vita jafnframt að það sem er virði fyrir viðskiptavini okkar í dag getur breyst á morgun.
Það er því kannski ekki innleiðingin sjálf eða verkefnið sem aldrei tekur enda heldur eru það möguleikar okkar til að gera betur og finna nýjar lausnir sem eru óendanlegir.

Expectus – Ráðgjöf | Straumlínustjórnun

Deila   
Anna Björk Bjarnadóttir

Framkvæmdastjóri / Managing Director Expectus Software │ Ráðgjafi / Consultant